Britanikët kanë mungesa të theksuara për veterinerë dhe kasap. Këtë lajm e ka bërë publikuar një biznesmen britanik i ardhur në Tiranë. Edhe pse Britania e Madhe ka nisur një debat te madh për pengimin e emigrantëve, biznesi londinez ka një qasje ndryshe sidomos për shqiptarët. Në Britaninë e Madhe prej vitesh, e veçanërisht pas Brexit kanë ngritur alarmin për mungesë të fuqisë punëtore sidomos në sektorë që vendasit nuk i preferojnë sic janë veterinaria dhe profesioni kasapit. Në një intervistë per A2CNN, Jason Aldiss, është një sipërmarrës britanik që ka ardhur në Tiranë për një arsye të veçantë ai po kërkon veterinerë dhe kasapë për në Angli. Dhe jo vetem kaq por, sipërmarrësi britanik kërkon nga qeveria e vendit të tij lehtësi në procedurat ligjore për të marrë punonjës nga Shqipëria dhe shton se nuk duhet në mënyrë absolute që të mos ketë më deklarata racizmi, por një hapje për punonjës. “Që kur Britania e Madhe u largua nga Bashkimi Europian, pra Brexit, ne po vuajmë shumë për burime njerëzore. Janë mijëra vende boshe pune në sektorin agro-ushqimor dhe qindra të tjera në atë veterinar dhe përpunimin e mishit. Duke përfituar nga fakti që kam qenë edhe më herët në Shqipëri, po përpiqem që me atë të njohjeve të gjej sa më shumë veterinerë dhe kasapë. Për aq kohë që unë jam i bindur se Mbretëria e Bashkuar po vuan dëshpërimisht për punonjës, njerëz që ne na nevojitet gjithandej e veçanërisht në sektorin agro-ushqimor, mendoj se në vend të deklaratave gati raciste të kemi hapje të portave për të mirëpritur shqiptarët që duan të punojnë. Besoj absolutisht që ju keni burimet njerëzore të kualifikuara që ne na nevojiten në Mbretërinë e Bashkuar. Burokracitë nuk mund të mungojnë, veçanërisht në drejtim të procedurave ligjore për rekrutimin e punonjësve të huaj. Po mund ta them i bindur që Home Office në mbretërinë e Bashkuar në vend të lehtësive ofron pengesa,”- tregon sipermarresi britanik.
Biznesmeni Britanik vjen në Shqipëri për të kërkuar kasapë e veterinerë.
