Dega e Fizikës rrezikon të mbyllet. Këtë lajm e bëjnë të ditur vetë ekspertët e fushës. Në fakultetin e Shkencave të Natyrës, Fizika, Kimia e Përgjithshme dhe matematika vijojnë të mbeten programe që rrezikojnë mbylljen. Sali Dapi, sapo përfundoi vitin e parë të studimeve në Fizikë, ku u regjistruan vetëm 10 studentë. “Edhe pse e dija që ka pak interes për fizikën unë e zgjodha, sepse e kam të garantuar tregun e punës, për më tepër më pëlqen dhe gjithashtu përfitoj bursë, kam hyrë me mesatare mbi 9 dhe përfitoj bursë.”thekson Sali Dapi student i fizikës. Në vitin e dytë janë të regjistruar rreth 15 studentë e po aq edhe në të tretin, ndërsa mundësitë e punësimit përgjithësisht janë në mësimdhënie.“Unë mund të punoj në institutin bërthamor, në bankë si fizikan statistikash, por mund të jap mësim në gjimnaze apo në universitet. Gjithashtu do të më pëlqente të kryeja një master në astrofizikë” vijon student. Pedagogët në Fakultetin e Shkencave shprehen se është tregu i punës ai që orienton studentët. “Shumë nga studentët kërkesat e para i kanë mjekësi, stomatologji, farmaci, inxh.elektronike, TIK, informatikë, ekonomi financë, juridik. Mesatarja si kriter hyrës hap debat, sepse deri më tani nuk ka dhënë ndonjë efekt, duhet të shkojmë drejt amerikanizimit të shkollës”, tregon Aleksander Petre pedagog I shkencave të Natyrës. Në vitet e fundit programet e informatikës dhe biologjisë janë më të kërkuarat në fakultetin e Shkencave të Natyrës.
Dega e Fizikës rrezikon mbylljen, nuk ka interes nga të rinjtë që përfundojnë maturën
