111 vjetori I pavarësisë do të mbledh në Tiranë 125 bashki nga trojet shqiptare. Ky lajm është bërë me dije nga Bashkia Tiranë . Festa e pavarësisë do të sjell paradën e Shqiptarëve për herë të parë e cila do të mbahet në Tiranë. Konkretisht thuhet se më 28 nëntor 125 bashki nga trojet shqiptare përfshirë arbëreshët e Italisë do të jenë bashkë në kryeqytetin shqiptar në 111 vjetorin e Pavarësisë. Aktiviteti madhë shtorë është ideuar dhe organizuar nga Bashkia e Tiranës në bashkëpunim me “Rrënjët Shqiptare”.“Tirana do të mirëpresë krahëhapur, me këngë e valle, çdo shqiptar që ka dëshirë të na bashkohet në festën tonë të madhe. “u shpreh z. Erion Veliaj kryetari I Bashkisë Tiranë .
Veliaj apeloi për tu mbledhur të gjithë në bulevardin “Dëshmorët e Kombit” ku parashikohet të nisë dhe parada.
“Është një nga ato ditë kur dritaret e shtëpive tona skuqen nga flamujt kuqezi, kur zemra e çdo shqiptari rreh njësoj, dhe secili prej nesh ka dëshirë ta thotë me zë të lartë: “O sa mirë me qenë Shqiptar”! E ku ka më bukur se sa Ditën e Flamurit ta festojmë të gjithë bashkë, këtu, në Tiranë! Prandaj, këtë vit, kemi menduar të organizojmë diçka krejt të veçantë, që do ta mbajmë mend gjatë. Në Bulevardin “Dëshmorët e Kombit”, m’u në zemër të kryeqendrës së shqiptarëve, vjen “Parada e Shqiptarëve” – një festë e paharruar për Ditën e Pavarësisë, plot ngjyra e hare, me pjesëmarrjen e shqiptarëve nga të gjitha qytetet shqipfolëse të rajonit, për t’u mbledhur së bashku në një paradë kushtuar historisë, trashëgimisë dhe kulturës sonë”, tha ai.Parada e kthyer në traditë në New York pas Tiranës parashikohet të shkojë në Prishtinë, Shkup e Ulqin