Bashkia e Tiranës merr masa lehtësuese për mundësi parkimi për besimtarët musliman me rastin e faljes së Bajramit. Këtë lajm e ka bërë me dije vetë Bashkia Tiranë. Për qytetarët e Tiranës, hapësira e parkimit është një nga problemet kryesore që sa vjen e bëhet më i vështirë. . Me shtimin e popullsisë është rritur dhe numri i makinave, gjë e cila krijon probleme për sigurimin e vendeve të lira të parkimit publik dhe privat brenda qytetit. Me rastin e Fitër Bajramit, Bashkia e Tiranës ka menduar që t’u vijë në ndihmë të gjithë besimtarëve myslimanë. Ditën e premte, më 21 Prill, për faljen e besimtarëve, tre parkingje në kryeqytet do të jenë falas, në mënyrë që ata të mund ta kryejnë ritualin e faljes pa asnjë pengesë. Parkimi te “7 Xhuxhat”, te Sheshi “Skënderbej” dhe te Bulevardi i Ri do të jenë pa pagesë nga ora 5:00 -9:00 të mëngjesit. Ky muaj ka qenë një muaj solidariteti në Tiranë, ku bashkia nga ana e saj ka organizuar aktivitete të shumta sociale.Vlen për tu theksuar se nga Bashkia Tiranë janë shtruar disa iftare për besimtarët musliman.
Tre parkingje falas për besimtarët musliman gjatë faljes se Fitër Bajrami, në Tiranë
