Gjendja shëndetësore e pacientit të moshuar është e stabilizuar, ekspertët: Mund të ketë ardhur nga ushqimet e detit
Pas 50 vitesh kolera kthehet në Sardenjë. Një i moshuar nga provinca Arbus është shtruar në departamentin e sëmundjeve infektive të spitalit Santissima Trinità në Cagliari i infektuar nga kolera. Gjendja e tij është stabile dhe po përmirësohet. Pacienti, i cili vuan nga sëmundjet e zemrës, ndodhet në spital prej pesë ditësh.
Mediat italiane shkruajnë se mbetet e paqartë se kur është infektuar personi. Mjekët gjithashtu kanë kryer kontrolle edhe tek familjarët e pacientit. Tgcom shkruan se pacienti kishte shkuar në spital me simptoma gastrointestinale dhe pas disa trajtimeve, nuk kishte pasur ndonjë përmirësim.
Ekspertët janë shprehur se ka shumë të ngjarë që ky infeksion të ketë ardhur nga ushqimet e detit dhe dyshohet se i moshuari i ka konsumuar të gjalla. Aktualisht i moshuari ndodhet në izolim dhe tashmë ka nisur aktiviteti gjurmues për zbulimin e çdo rasti ngjitjeje tek personat që jetojnë me pacientin. Kolera është një infeksion akut i shkaktuar nga bakteri Vibrio cholerae. Transmetimi i tij ndodh me kontakt direkt ose indirekt, me ushqim të kontaminuar dhe në rastet më të rënda mund të çojë në fenomene të rrezikshme dehidrimi. Simptomat përfshijnë diarre dhe të vjella.
Gjërat që ngadalësojnë metabolizmin tonë
Metabolizmi është procesi me të cilin trupi ynë konverton ushqimin dhe pijet që konsumojmë në energji. Gjatë këtij procesi, kaloritë në ushqim dhe pije përzihen me oksigjenin për të krijuar energjinë që i nevojitet trupit, madje edhe në pushim ka nevojë për energji.
Sipas WebMD, ka disa gjëra që janë vërtetuar se ngadalësojnë metabolizmin tonë, dhe disa prej tyre i bëjmë çdo ditë. Dhe kjo në mënyrë krejtësisht të pandërgjegjshme, transmeton Klankosova.tv.
Gjenetika
Gjenet mund të ndikojnë ndjeshëm në shpejtësinë e metabolizmit tonë. Siç shpjegojnë ekspertët, disa njerëz mund të kenë një metabolizëm natyral më të ngadaltë për shkak të karakteristikave gjenetike të trashëguara, por edhe anasjelltas. Prandaj ka njerëz që fitojnë peshë shpejtë edhe pse hanë pak, ndërsa nga ana tjetër ka nga ata që mund të hanë çfarë të duan dhe pesha e tyre mbetet ende e njëjtë. Këtu bëhet fjalë për gjenet, pra metabolizmin, të cilin me shumë gjasa e kanë trashëguar nga prindërit, shkruan Index.hr, transmeton Klankosova.tv.
Hormonet
Ndryshimi në hormonet tona mund ta bëjë të vështirë për trupin që të përdorë energjinë, shpjegojnë mjekët. Disa kushte shëndetësore, si funksioni i dobët ose i tepruar i tiroides dhe diabeti, ndikojnë ndjeshëm në hormonet tona dhe rrjedhimisht në shpejtësinë e metabolizmit tonë.
Mungesa e aktivitetit fizik
Siç tregohet nga studime të shumta të mëparshme, aktiviteti fizik ka një ndikim shumë të madh në shpejtësinë e metabolizmit tonë. Ushtrimet e rregullta, si dhe ndërtimi i masës muskulore, mund të stimulojnë metabolizmin dhe të rrisin konsumin e kalorive kur kemi mbaruar me një aktivitet të caktuar, dhe mungesa e aktivitetit fizik në shumicën e rasteve rezulton në një metabolizëm të ngadalësuar.
Përmbajtja strikte e dietave
Mënyra se si humbim peshë është shumë e rëndësishme kur përpiqemi të humbim peshë. Nëse nuk hamë mjaftueshëm, metabolizmi ynë ngadalësohet, paralajmërojnë dietologët dhe dietat e rrepta, veçanërisht nëse ushtrojmë së bashku me to, “e mësojnë” trupin tonë se si të kënaqet me më pak kalori seç duhet. Kjo mund të shkaktojë një kundërefekt sepse në atë rast trupi ynë lidhet edhe më fort me këto kalori, gjë që ngadalëson më tej metabolizmin, por edhe na pengon të humbim peshë.
Dieta jo e duhur
Ushqimi që konsumojmë gjithashtu ka një ndikim të madh në gjendjen e metabolizmit tonë. Për shembull, marrja e tepërt e sheqerit të rafinuar mund të ndikojë në shtimin e peshës dhe të ngadalësojë metabolizmin. Përveç kësaj, ka pasoja të ngjashme kur bëhet fjalë për konsumimin e sasive të tepërta të yndyrave të ngopura nga ushqimi, si dhe marrjen e pijeve alkoolike.
Marrja e medikamenteve të caktuara
Disa ilaçe mund të ngadalësojnë më tej metabolizmin tonë, sipas mjekëve. Këtu përfshihen shumë antidepresivë, por edhe antipsikotikë, të cilët përdoren kryesisht për trajtimin e shizofrenisë. Këtë efekt mund ta kenë edhe shumë ilaçe të tjera, si ato që kontrollojnë zemrën.