Fillojnë luhatjet për uljen e cmimeve të banesave në vend. Viti 2022 duket se ka bërë të mundur uljen paksa të cmimeve te apartamenteve sidomos në Tiranë . Shqiptarëve u ka kushtuar më pak blerja e një banese gjatë gjysmës së dytë të vitit 2022 sesa në gjashtëmujorin e parë. Sipas analizave të Bankës së Shqipërisë, çmimi mesatar i banesave të shitura në 6 muajt e fundit të vitit është ulur me 9 %. Për pasojë shitjet kanë qenë më të larta. “Numri i pronave të pashitura, si për banesat, ashtu edhe për godinat tregtare, ka vijuar të shënojë rënie për disa gjashtëmujorë radhazi.”thonë ekspertë t e
Në Tiranë, indeksi i çmimeve për shitjet regjistroi një ulje prej 11%. Megjithatë në krahasim me vitin 2021, çmimi mesatar i banesave të shitura në gjithë vendin mbetet rreth 17% më i lartë.
Sipas Bankës së Shqipërisë, sinjalizimet treguan po ashtu se ka pasur një ngadalësim të fluksit të ndërtimeve të reja si edhe rritje të konsiderueshme të kostove të ndërtimit.
“Numri i lejeve të ndërtimit të dhëna gjatë gjashtëmujorit të dytë të 2022 ishte rreth 14% më i ulët ndaj së njëjtës periudhë një vit më parë, ndërsa sipërfaqja përkatëse ishte 17% më e ulët.”
Analizat tregojnë se rritja e çmimeve tashmë mund të ketë hyrë në një fazë normalizimi, pas një rritjeje prej 28 % në gjashtëmujorin e parë të vitit 2022.
Leave feedback about this