Studimi- Shkencëtarët zbulojnë mënyrën e re për të shkatërruar 99% të qelizave kancerogjene në një laborator.

Në SHBA, shkencëtarët kanë zbuluar një mënyrë të re të shkatërrimit të qelizave kancerogjene, duke përdorur molekula vibruese.

Duke stimuluar molekulat e aminocianinës me dritë infra të kuqe, shkencëtarët ishin në gjendje t’i bënin ato të shkatërrojnë membranat qelizore të kancerit.

“Kjo është një gjeneratë krejtësisht e re e makinave molekulare që ne i quajmë çekiç molekular.

Ata janë mbi një milion herë më të shpejtë në lëvizjen e tyre mekanike se motorët e mëparshëm dhe mund të aktivizohen nga drita infra e kuqe dhe jo nga drita e dukshme”, tha kimisti James Tour i Universitetit Rice.

Përdorimi i dritës infra të kuqe është i rëndësishëm, pasi i lejon shkencëtarët të hyjnë “më thellë” në trup.

Tumori në kocka dhe organe potencialisht mund të trajtohet pa pasur nevojë për kirurgji.

Në testet mbi qelizat e kancerit të kultivuara, të rritura në laborator, metoda molekulare jackhammer arriti një shkallë suksesi prej 99% në shkatërrimin e qelizave.

Në fakt, qasja u testua edhe te minjtë me tumore melanoma dhe gjysma e kafshëve u shëruan nga tumori.

Studiuesit po shikojnë lloje të tjera molekulash që mund të përdoren në një mënyrë të ngjashme.