Nga sot 30 qendra shëndetësore verore në zonat turistike janë gati të ofrojnë shërbim shëndetësor për pushuesit dhe turistët që do të frekuentojnë Shqipërinë këtë sezon veror.
Sistemi shëndetësor do të jetë në gatishmëri përgjatë gjithë sezonit turistik, në zonat bregdetare dhe malore në të gjithë vendin, me shërbim 24/7 për pushuesit. Qendrat shëndetësore verore nga veriu në jug, në bregdet, por edhe në zonat malore, ku gjithashtu numri dhe fluksi i turistëve dhe i pushuesve rritet, do të jenë hapur deri në fund të sezonit turistik.
Ndryshe nga një vit më parë, këtë sezon ëshë shtuar një qendër e re shëndetësore verore në Spille.
Në veri funksionojnë 8 qendra shëndetësore, nga të cilat katër janë në zonat turistike malore dhe katër të tjera në plazhe.
Në Durrës funksionojnë 5 qendra shëndetësore, ndërsa në Kavajë funksionojnë qendrat 24 orëshe në plazhet Golem dhe Mali i Robit.
Në rajonin e jugut funksionojnë gjithsej 14 qendra shëndetësore verore. Ata do të jenë vendosura në Pogradec, Fier, Vlorë, Himarë dhe Sarandë.
Leave feedback about this