Bie interesi për vaksinën e gripit/ Paraqiten vetëm të moshuarit dhe të sëmurët kronikë

 Prej javës së kaluar ka nisur fushata e vaksinimit antigrip dhe janë shpërndarë 260 mijë doza në të gjitha vendin. Por duket se vetëm të moshuarit kanë shfaqur interes për t´u mbrojtur nga gripi stinor. “Jam 83 vjeç dhe vaksinën e gripit e bëj çdo vit.”u shpreh Sanie Hoxha e moshuara nga Tirana “E bëj çdo vit, jam i sëmurë jam me ulçer në stomak. Më zuri Covidi kam qëndruar 3 muaj në spital, kam qenë shumë rëndë.”, tregoi Qerim Mustafa nje tjeter I moshuar.Mjekët e familjes konfirmojnë se përveç personave të moshuar që vaksinohen rregullisht, kategoritë e tjera nuk janë paraqitur për të marrë dozën e vaksinës antigrip.“Presim një fluks akoma më të madh, sidomos të pacientëve kronikë pasi ka rezultuar se ata janë ata që e kërkojnë më shumë vaksinën e gripit. Fëmijët apo moshat e tjera nuk kanë kërkesë për kryerjen e vaksinës së gripit.”Specialistët shprehen se vaksina është mënyra më e mirë për parandalimin e formave të rënda të gripit gjatë dimrit. Ndonëse në vend po qarkullojnë shumë viroza, sipas Institutit të Shëndetit Publik ende nuk ka një valë të gripit.