Flota e mjeteve historike Belge mbyll maratonën në Tiranë.

Kanë dhënë spektakël në mes të kryeqytetit. Këtë herë epiqendra e gjithe eventit të zhvilluar kanë qene flotat e mjeteve klasike të ardhura nga Belgjika. Konkretisht prej disa ditësh, flota e mjeteve klasike nga Belgjika, e ka kthyer sheshin “Italia” në Tiranë në një pikë stacioni të preferuar për të gjithë dashamirësit e mjeteve historike dhe jo vetëm.Edhe pse

Moti nuk I ka favorizuar shume dashamirësit e automjeteve e kanë gjet momentin të vijnë për ti vizituar. Panorama që të jep kjo pjesë e shëshit është shumë mbreslënëse sidomos për të apasionuarit pas makinave. Me më shumë se 200 mjete të ekspozuara, për t’u admiruar nga syri i publikut të gjerë, mbrëmja e djeshme përmbylli maratonën e këtij rrugëtimi në Shqipëri.

Grupi i tretë i mjeteve historike belge parkuan dje përballë stadiumit Air Albania, të kryesuar nga CEO i TourAmical, Manuel Stappaerts i shoqëruar nga drejtori i përgjithshëm i DSPHTRR (Drejtoria e Përgjithshme e Shërbimeve të Transportit Rrugor) Blendi Gonxhja. Përgjatë këtij takimi u zhvilluan biseda lidhur me pasionin e njëjtë për këtë kategori mjetesh me koleksionistë shqiptarë dhe përfaqësues të DPSHTRR dhe Retro Albania si një prej anëtareve më të reja në FIVA.