Mbi 25 000 emigrantë kanë mbërritur në Britaninë e Madhe përmes La Manshit

Më shumë se 25 000 emigrantë kanë mbërritur në Britaninë e Madhe pasi kanë kaluar Kanalin e La Manshit deri më tani në vitin 2024.

Shifrat e “Home Office” departamenti ministror përgjegjës për emigracionin, sigurinë dhe ligjin dhe rendin tregojnë se 717 persona e bënë udhëtimin me 13 varka të dielën, duke e çuar numrin total të përkohshëm të migrantëve në 2024 deri më sot në 25 052.

Ky është numri i tretë më i lartë i mbërritjeve të regjistruara në një ditë të vetme këtë vit, pasi u raportuan 882 në 18 qershor dhe 801 në 14 shtator.

Kjo do të thotë gjithashtu se 1 424 kalime në Kanalin e La Manshit u zhvilluan këtë fundjavë, pasi 707 persona të tjerë mbërritën të shtunën me 11 varka.

Totali për vitin e deritanishëm është rritur 4% krahasuar me 23 996 në të njëjtën periudhë të vitit te kaluar por 21% më i ulët se e njëjta periudhë në 2022 (31 686).

Kalimet e paligjshme kanë vazhduar sot për të tretën ditë radhazi, mes kushteve të motit me vranësira dhe erërave në det