Regjistrimet në universitete këtë vit do të jenë me dy raunde dhe jo 3 siç ishte në vitin e shkuar. Ministrja e Arsimit dhe Sportit, Evis Kushi ka miratuar udhëzimin për procedurat e aplikimit dhe regjistrimit në institucionet e arsimit të lartë, në të cilat janë parashikuar disa risi për vitin e ardhshëm akademik 2023-2024. Regjistrimi do të bëhet online për dy raundet e para, dhe në përfundim të tyre, në programet e studimit ku kanë mbetur kuota të lira pranimi, kandidatët që kanë aplikuar në U-Albania mund të vijojnë të regjistrohen drejtpërdrejtë në universitet deri në plotësimin e gjitha kuotave. Një tjetër risi është dhe aplikimi I procedurave të barabarta të regjistrimit për të gjithë kandidatët me diplomë të huaj të shkollës së mesme, pavarësisht nëse janë shqiptarë apo të huaj. Kandidatët e regjistruar me diplomë të huaj kanë detyrim njohjen dhe njehsimin e diplomës brenda datës 30 prill të vitit akademik vijues, për t’u pajisur me numër matrikullimi përpara fillimit të sezonit të dytë të provimeve. Po ashtu në udhëzim është e përcaktuar që viti i ri akdemik do të nis në 2 tetor
Leave feedback about this