Shoqata e Siguruesve të Shqipërisë, në bashkëpunim me kompanitë e sigurimit të jo-jetës, organizuan sot një event të rëndësishëm sensibilizues, dedikuar Tetorit Rozë dhe ndërgjegjësimit për kancerin e gjirit. Ky aktivitet u përqendrua tek roli kyç i gazetarëve femra në rritjen e ndërgjegjësimit për këtë çështje jetike, duke i ftuar ato të luajnë një rol aktiv në përhapjen e mesazheve sensibilizuese për parandalimin dhe zbulimin e hershëm të sëmundjes. “Ja vlen të jetosh” ky është slogani I shoqatës në këtë muaj kaq të rëndësishëm. Jo më kot shoqata ka menduar që këtë vit të jeni ju zëri së vërtetës përgjatë gjithë Tetorit Rozë. Të jeni ju jo vetëm fuqia e lajmit, por dhe fuqia e mesazhit për jetën ” u shpreh znj. Mimosa Hajdarmataj, sekretare e Shoqatës së Siguruesve të Shqipërisë, e cila apelon për pjesëmarrje aktive të grave në këtë fushatë ndërgjegjësimi.
Pjesëmarrja e Kompanive të Sigurimeve – Mbështetje për Shëndetin e Grave
Të gjitha kompanitë e sigurimit të jo-jetës janë të angazhuara në këtë fushatë, duke ofruar mbështetje për përhapjen e informacionit dhe shërbimeve që mund të ndihmojnë në parandalimin e kancerit të gjirit. Produktet dhe paketat e sigurimeve shëndetësore që këto kompani ofrojnë përfshijnë mbulim për kontrollet mjekësore rutinore dhe procedura të specializuara për zbulimin e hershëm të sëmundjeve të tilla. Ky angazhim tregon rëndësinë që kompanitë e sigurimeve i kushtojnë shëndetit të grave, duke e parë atë si një prioritet jo vetëm për klientët e tyre, por për gjithë shoqërinë. Jo vetëm kaq por një pjesë e rëndësishme e mbulimeve të tyre shëndetësore është ofrimi i paketave që përfshijnë kontrolle rutinore të gjirit, e cila është thelbësore për zbulimin e hershëm të kancerit dhe përmirësimin e rezultatit të trajtimit.
Media – Partner i Pazëvendësueshëm për Ndërgjegjësimin
Në qendër të kësaj nisme qëndron roli i medias dhe veçanërisht i gazetareve femra, të cilët kanë një përgjegjësi të jashtëzakonshme për të shpërndarë mesazhet e rëndësishme mbi këtë çështje. Përmes platformave të tyre të ndryshme, ato mund të ndikojnë në miliona gra, duke i inkurajuar të bëjnë kontrollet e rregullta mjekësore, që mund të shpëtojnë jetë. Të pranishmet në këtë event, përfaqësuese nga të gjitha kompanitë e sigurimeve, ekspertë të shëndetësisë, si dhe gazetaret femra diskutuan për mënyrat më efektive të bashkëpunimit për të rritur ndërgjegjësimin në mbarë vendin. Gazetaret dihet se kanë një rol udhëheqës në ndihmues për të përhapur këto mesazhe jetike.
Tetori Rozë – Një Fushatë Ndërkombëtare me Një Mesazh të Qartë: Kujdesi për Shëndetin e Gjirit
Tetori Rozë është një fushatë ndërkombëtare që synon rritjen e ndërgjegjësimit për kancerin e gjirit dhe promovimin e zbulimit të hershëm të sëmundjes përmes kontrolleve të rregullta. Kjo nismë globale, e përqafuar nga Shoqata e Siguruesve të Shqipërisë dhe kompanitë e sigurimit jo-jetës, dëshmon përkushtimin ndaj çështjeve të rëndësishme të shëndetit publik dhe ofron një mundësi të jashtëzakonshme për të bërë një ndryshim të prekshëm në shëndetin e grave.
Një Partneritet për të Ardhmen – Industria e Sigurimeve dhe Ndërgjegjësimi për Shëndetin
Ky event i dedikuar për Tetorin Rozë është vetëm një pjesë e angazhimit të vazhdueshëm të industrisë së sigurimeve për mbrojtjen e shëndetit të grave. Përmes produkteve dhe shërbimeve të specializuara, kompanitë e sigurimeve kanë krijuar mundësi të reja për gratë që të marrin kujdesin që kanë nevojë në mënyrë të përballueshme dhe të qetë. Tetori Rozë është një thirrje e qartë për të gjithë që të angazhohen në këtë betejë të përbashkët kundër kancerit të gjirit, dhe kompanitë e sigurimeve, së bashku me median, janë aleatë të çmuar në këtë kauzë. Ndikimi i fuqishëm i ndërgjegjësimit dhe veprimit në këtë muaj të ndërgjegjësimit për kancerin e gjirit, është thelbësore të kujtojmë se zbulimi i hershëm mund të shpëtojë jetë. Përmes këtij eventi sensibilizues, Shoqata e Siguruesve të Shqipërisë dhe kompanitë e sigurimit jo-jetës po japin një mesazh të fuqishëm: Shëndeti i grave është një prioritet dhe ne të gjithë duhet të punojmë së bashku për ta mbrojtur atë. Gratë shqiptare duhet të ndihen të mbështetura dhe të informuara për rëndësinë e kontrolleve të rregullta dhe sigurimeve shëndetësore që mund të bëjnë një ndryshim të vërtetë në jetën e tyre.
Leave feedback about this