Zbardhet lista me programet prioritare ku studentëve do t’u ofrohet mbështetje financiare në vlerën e pagës minimale. Në fletoren zyrtare janë publikuar 39 programe të studimit që nxënësit mund të zgjedhin si degë prioritare në 5 fusha të ndryshe që përfshin, arsimin, artet, shkencat e natyrës, inxhinierinë, bujqësinë së bashku me veterinarinë. Krahasuar me një vit më parë ka një rritje të programeve të studimit të cilat janë cilësuar si prioritet kombëtar.
Shumica e programeve të studimit janë në fushat e shkencave të natyrës, aty ku nga viti në vit mungesat e studentëve kanë qenë gjithnjë e më të mëdha, si dhe në inxhinieri, e ndjekur nga bujqësia dhe turizmi.
Për të gjitha këto degë prioritare, qeveria ka vendosur heqjen e kriterit të mesatares 8.5 për të përfituar bursë për studentët.
Po ashtu me vendim të Këshillit të Ministrave është hequr edhe kriteri i ruajtjes së mesatares përgjatë të gjitha viteve të studimit për të përfituar bursën e cila është e barabartë me pagën minimale prej 40 mijë lekësh. Ndërkohë që mbetet kushti që tre vjet pas përfundimit të studimeve ata që kanë përfituar bursa të punojnë në Shqipëri.
Leave feedback about this