Zgjidhja e problemeve te shikimit tek te vegjelit eshte fokusi kryesore I Ministrise se Shendetesise. Aktualisht në të gjitha shkollat e arsimit parauniversitar në vend, prej afro një viti po zhvillohen edhe kontrollet për problemet me shikimin. Zbatimi i Programit Kombëtar për depistimin e problemeve me shikimin tek nxënësit e moshave nga 6 deri në 14 vjeç, ka konstatuar problematika të shumta, për të cilat është kërkuar ndërhyrja e mjekëve specialistë të okulistikës. Referuar të dhënave të bëra publike nga Ministria e Shëndetësisë dhe Mbrojtjes Sociale rezulton se janë kryer mbi 120 mijë depistime të shikimit për kontrollin e vizusit, prej të cilave, më shumë se 15.000 fëmijë janë referuar tek mjeku specialist, për të korrektuar problematikat që janë evidentuar në shikimin e tyre. Mjekët bëjnë me dije se shkak për shtimin e problemeve me shikimi tek këto grupmosha po bëhet edhe qëndrimi i tejzgjatur i fëmijëve para ekraneve, përdorimit të telefonit apo pajisjeve të tjera të teknologjisë. Sipas autoriteteve të shëndetësisë, programi i kujdesit për shikimin do të vijojë në të gjitha shkollat e arsimit të detyruar në vend, duke bërë kontrollin e parë në shkolla, si dhe duke referuar të gjitha ato raste të cilat mund të kenë problematika me shikimin, për ndjekje më të specializuar tek mjeku specialist.
Leave feedback about this